جــ Donia ــا نـــ a7la ــــا
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارة المنتدي

جــ Donia ــا نـــ a7la ــــا

جــ Donia ــا نـــ a7la ــــا
 
الرئيسيةالبوابةاليوميةس .و .جبحـثالأعضاءالمجموعاتالتسجيلدخول
بسم الله الرحمن الرحيم ... منتدى جانا احلى دنيا التانى ... يرحب بكل زواره ومحبيه وأعضاءه .. ونفيدكم بان المنتدى هو احدى مجموعه جانا الحب وجانا احلى دنيا ونتشرف بدعوتكم معنا ... نريد منكم العضو والمشرف والادارى والصديق والمحب لاعمالنا .... والمنتدى الان فى مرحله الانشاء .. يلا كونو معنا فى البناء .. وتحياتنا وتحيات محبى شبكه جانا للجميع

شاطر | 
 

 تتجوزينى ؟؟

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
الاميرة رولا

avatar

انثى عدد المساهمات : 17
نقاط : 51
السٌّمعَة : 0
تاريخ التسجيل : 20/02/2010

مُساهمةموضوع: تتجوزينى ؟؟   الأحد 21 فبراير - 5:52

تتجوزيني ؟
ـ أفندم ؟
ـ بقولك تتجوزيني ؟
ـ !!!!!


ـ تتجوزيني ؟
ـ لا !
ـ ليه ؟
ـ بصراحة كدة شكلك مش عاجبني ..
ـ إزاي يعني ؟
ـ يعني .. أصل أنا ليا مواصفات معينة لفارس أحلامي .
ـ مواصفات معينة ؟ .. هو انتي هتتجوزي عربية ؟
ـ لا ! .. بصراحة كدة .. إنت مش فارس أحلامي اللي باتمناه !


ـ تتجوزيني ؟
ـ إيه ده ؟ شكلك اتغير !
ـ إيه رأيك ؟
ـ واو .. شعرك بقة ناعم ! .. دي باروكة ؟
ـ أيوة
ـ ودي عدسات خضراء ؟
ـ أيوة !
ـ واو ! .. بس بجد .. بقيت وسيم ! .. واو ! ده انت بقيت شبه نيكولاس كيج !
ـ مين عباس كيج ده ؟
ـ عباس ؟!! ياي ! .. إيه عباس دي ؟ اسمه نيكولاس ..
ـ مين نيكولاس ده ؟
ـ بقة مالكشي في السيما وجاي تكلمني ؟ .. ياي !


ـ تتجوزيني ؟
ـ انت لسة ليك عين تكلمني ؟
ـ أيوة .. أنا عرفت مين بنكرياس كيج ده !
ـ أولاً : اسمه نيكولاس كيج ..
ـ أيوة أيوة .. كنت هاقول اسمه صح .. بس اختصرته .. ده ممثل !
ـ ممثل إيه ؟
ـ ممثل أمريكاوي !
ـ أمريكاوي ؟! .. إخّييي ! .. اسمه أميريكان يا بابا ! .. ما تبقاش
دونكي !
ـ دونكي دي تبقى شتيمة ؟
ـ أف كورس !


ـ تتجوزيني ؟
ـ عندك عربية موديل كام ؟
ـ موديل دي تبقى شتيمة ؟


ـ تتجوزيني ؟
ـ قوللي الأول .. حاطط أنهي نغمة في الموبايل بتاعك ؟
ـ نغمة دي تبقى شتيمة ؟


ـ تتجوزيني ؟
ـ ما قلتليش .. إنت بتشتغل إيه ؟
ـ أنا -بلا فخر- عاطل !
ـ عاطل ؟ .. ياي ! ..
ـ مش أحسن من اللي ما بيشتغلش ؟
ـ لا !
ـ يعني مش هتتجوزيني ؟
ـ لا !
ـ كدة أنا أزعل !
ـ ما تزعلش يا بابا ! .. خليك فريش !
ـ ماشي .. ماشي .. بس قوليلي ..
ـ إيه ؟
ـ فريش دي تبقى شتيمة ؟


ـ تتجوزيني ؟
ـ لقيت شغل ؟
ـ أيوة طبعًا .. سنتين وأنا بادور .. أخيرًا لقيت ..
ـ وإيه هو ؟
ـ سواق تاكسي .
ـ ياي ! .. مش مكسوف وانت بتقولها ؟
ـ فيها إيه ؟ العمل شرف .. وكلها كام سنة وأجمع مبلغ كويس ..
ـ شرف ؟ جتك القرف !


ـ تتجوزيني ؟
ـ جمعت مبلغ كويس ؟
ـ طبعًا .. مبلغ كبير جدًا ..
ـ قد إيه يعني ؟
ـ ألف جنيه !
ـ نعم ؟!!! .. ألف جنيه دول تروح تسرح بيهم ببطاطا ..
ـ يعني موافقة ؟!
ـ روح اتنيل .



ـ تتجوزيني ؟
ـ عندك شقة ؟
ـ طبعًا ! .. أودة على السطوح ..
ـ نعم ؟!! ..
ـ إيه المشكلة ؟! .. أحسن ما ننام في الشارع !
ـ في الشارع ؟! .. إيه الألفاظ السوقية دي ؟! ياي ! .. لازم يا بابا تجيب
شقة .
ـ طيب .. كلها كام سنة وأجيبلك أحسن شقة في الدنيا .
ـ وهتجيبها في جاردن سيتي ولا في الزمالك ؟
ـ لا .. في الأهلي .. هيهع هيهع هيهع !



(وبعد سنوات):
تتجوزيني ؟
ـ جبت الشقة ؟
ـ أيوة ! .. الحكومة بتبني شقق للشباب وأنا خدت شقة .. صحيح إنها اتأخرت
لسبع
سنوات .. لكن المهم إنها جات .. !
ـ ـ فانتاستيك !
ـ بس الشقة ناقصة حاجة .
ـ إيه هي ؟
ـ مفيهاش حمام !
ـ امشي من قدامي ! .. مش طايقاك !



ـ تتجوزيني ؟
ـ إنت تاني ؟
ـ جبتلك حمّام إنما إيه !
ـ خليه ينفعك !
ـ ليه بس ؟ .. ده ينفع لينا احنا الاتنين !
ـ وأنا مالي ؟
ـ مش عاجبك .. مش مشكلة .. أكتبه باسمك !



(بعد سنين) ..
ـ هتتجوزيني ولا أولع فيكي ؟
ـ ومالك محروق كدة ؟
ـ حكايتنا طولت قوي .. طولت أكتر من اللازم !
ـ أوكي .. بس ممكن أعرف حاجة ؟
ـ إيه ؟
ـ إنت ليه متمسك بيا أوي كدة ؟
ـ أصل .. أصل ..
ـ أصل إيه ؟
ـ أصل أنا بحُبك (بضم الحاء) !
ـ بحُبك ؟!! .. إيه بحُبك دي ؟! .. إسمها بحِبك (بكسر الحاء) ! .. بعدين
خليك
روش وقول
I love you !
ـ ماشي .. بس قوليلي ..
ـ نعم ؟
ـ روش دي تبقى شتيمة ؟



ـ تتجوزيني ؟
ـ بصراحة .. في حاجة كنت عاوزة أقولهالك من زمااااااان .
ـ إيه ؟
ـ أنا بصراحة .. مش شايفة إن في حد في العالم يستاهلني !
ـ يا سلام ! .. ليه ؟
ـ عشان أنا جميلة .. خفيفة الدم .. رشيقة .. رقيقة ..
ـ رقيقة ؟! .. ده انت بدأتي تقشفي !
ـ فشر !
ـ فوقي لنفسك .. العمر بيجري ..
ـ أنا مصرة على رأيي !
ـ يعني إيه ؟
ـ يعني اقطع معايا !
ـ بعد كل السنين دي ؟! .. بعد كل الحب ده ؟!!
ـ بلاش تراجيديا من فضلك !
ـ ماشي .. بس قبل ما أمشي عاوز أسألك سؤال واحد بس ..
ـ إيه هو ؟
ـ تراجيديا دي تبقى شتيمة ؟



( بعد سنين) ..
ـ تتجوشيني ؟
ـ إيه ؟
ـ تتجوشييينييييييي ؟
ـ إنت مين ؟
ـ أنا حبيبك يا هبلة .. البشي النضارة عشان تشوفيني !
ـ طيب شاعدني عشان ألاقي النضارة !
ـ آهي على الترابيزة قدامك !
ـ فين ؟!!
ـ لا دي نظارتي أنا !
ـ أيوة لقيتها ..
ـ البشيها بقة !
ـ ططييبب !
ـ عينيكي فوق شوية .. ده بقك ..
ـ طيب لبشهالي إنت !
ـ عقبال ما البشك الدبلة !
ـ ما تكشفنيش ! .. كنت بتقول إيه بقى ؟
ـ كنت بقول تتجوشششيييينيييييي ؟
ـ أكوشك ؟ .. إزاي ؟
ـ يا ولية مش تكوشيني .. تـ .. تـ .. جـ .. و.. شـ .. يـ .. نـ .. ي ؟
ـ دي شتيمة ؟
ـ لاااااء .. بقولك تتجوشيني ؟!!
ـ آه !! .. أجوشك !
ـ بالضااااابط ! .. هاه ؟
ـ شيبني أفكر !
ـ أشيبك تفكري ؟! .. ده انت هتموتي خلاش !
ـ لا .. شيبني أفكر بش !
ـ ربنا يوفقك !
ـ إيه ؟
ـ ربنا يوفقك !
ـ بتقول إيه ؟
ـ ربنا ياخدك !
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
جانا الحب

avatar

انثى عدد المساهمات : 447
نقاط : 929
السٌّمعَة : 0
تاريخ التسجيل : 20/01/2010
الموقع : قلب بلا عنوان

مُساهمةموضوع: رد: تتجوزينى ؟؟   الإثنين 22 فبراير - 16:22

nter]


[/center]

_________________
http://www6.0zz0.com/2010/02/05/13/932433134.gif
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ريموندا

avatar

انثى عدد المساهمات : 220
نقاط : 285
السٌّمعَة : 0
تاريخ التسجيل : 27/01/2010

مُساهمةموضوع: رد: تتجوزينى ؟؟   السبت 27 فبراير - 14:41

ههههههههههههههههههههههههههههههههه
ههههههههههههههههههههههههههههههههههههههههههههه
ههههههههههههههههههههههههههههههههههههههههههههههههههههههههه


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
تتجوزينى ؟؟
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
جــ Donia ــا نـــ a7la ــــا  :: الفئة الأولى :: . •:*¨`*:•بيت جانا العام:*¨`*:•. :: .::..::.النقاش والحوار الجاد .::..::.-
انتقل الى: